Колькі чалавек памерла ад COVID-19 ў Беларусі? Усё, што вядома па стане на вечар 3 красавіка
Па стане на 22:00 3 красавіка ў Беларусі памерлі ад 6 да 8 чалавек з каронавіруснай інфекцыяй.
Імёны шасці памерлых вядомыя СМІ:
- 30 сакавіка ў Віцебску памерлі 75-гадовы Віктар Дашкевіч і 73-гадовая Аляксандра Чэпік;
- 1 красавіка памерлі 70-гадовая настаўніца з Копыльскага раёну Наталля Арлова і 67-гадовая жыхарка Менску Вольга Дзеравянка;
- 2 красавіка ў Віцебск памёр 70-гадовы пенсіянер Уладзімір Сідараў, а ў Менску – 60-гадовы Сяргей Говар.
Акрамя таго, 3 красавіка намеснік начальніка галоўнага ўпраўлення па ахове здароўя Віцебскага аблвыканкаму Мікалай Каспіровіч па паседжанні абласнога штабу па барацьбе з каронавірусам распавёў пра смерць ад пнеўманіі дзвюх жанчын у Віцебску. Аднак дакладнай інфармацыі, што яны былі інфікаваныя COVID-19 няма. Першай жанчыне было 70-гадоў – паводле чыноўніка, вынік наяўнасці ў яе каронавіруса дадаткова пераправяраецца. Другая жанчына – медык (пацверджанага выніку тэста на COVID-19 пакуль няма). Па інфармацыі «Нашай Нівы», жанчыне-медыку было 47 гадоў, яе імя – Надзея.
Міністэрства аховы здароўя афіцыйна пацвердзіла смерць 4 пацыентаў з каронавірусам па стане на раніцу 3 красавіка. Імёны гэтых чатырох чалавек не агучваліся.
ІІ belsat.eu
