Намеснік начальніка галоўнага ўпраўлення па ахове здароўя Віцебскага аблвыканкаму Мікалай Каспіровіч паведаміў пра смерць двух жанчын ад пнеўманіі. Пра гэта піша выданне «Віцьбічы».
Паводле чыноўніка, цягам содняў было выяўлена 4 новыя выпадкі інфікавання COVID-19 у пацыентаў, якія ўжо былі шпіталізаваныя. Два чалавек памерлі. Першы выпадак – жанчына старэйшая за 70 гадоў з множнай хранічнай паталогіяй, ускладненай двухбаковай пнеўманіяй (вынік наяўнасці каронавіруса дадаткова пераправяраецца). Другі выпадак – медык, якая лячылася з нагоды цяжкай двухбаковай пнеўманіі вірусна-бактэрыяльнага генезу (пацверджанага выніку тэста на COVID-19 пакуль няма).
Агулам Каспіровіч сцвярджае, што рост рэспіраторных захворванняў на Віцебшчыне запаволіўся.
Раней намесніца міністра аховы здароўя Алена Богдан заявіла, што прынятыя ўладам у Віцебскай вобласці захады дазваляюць сцвярджаць, што «на сённяшні момант сітуацыя цалкам кантралюемая і пагрозы здароўю жыхарам Віцебшчыны няма».
ІІ belsat.eu
