Скот Стырні. Фота – ВМС ЗША
1 снежня ў Бахрэйне знайшлі цела віцэ-адмірала Скота Стырні, камандуючага пятым флотам ЗША, паведамляе USNI.
Прычыны смерці не называюцца. Справай займаецца ВМС ЗША (The Naval Criminal Investigative Service), а таксама супрацоўнікі бахрэйнскай паліцыі.
Цела віцэ-адмірала знайшлі ў ягонай рэзідэнцыі.
Замест Стырні, які заступіў на пасаду ў траўні, новым камандуючым будзе адмірал Джэймс Мэлоў, паведамляе «The New York Times».
Адмірал ВМС ЗША Джон Рычардсан адзначыў у афіцыйным відэазвароце, што пакуль няма падставаў казаць пра забойства.
Пяты флот ВМС ЗША месціцца ў Аравійскім моры і заходняй частцы Індыйскага акіяну.
ЮВ, belsat.eu
