Трое беларусаў сталі ахвярамі дарожна-транспартавага здарэння ў Аўстрыі. Адзін з іх загінуў, паведамляе «Salzburger Nachrichten».
Паводле выдання, аварыя здарылася 18 студзеня каля 12.00 у аўстрыйскім горадзе Арнольдштайн, што знаходзіцца каля мяжы з Італіяй і Славеніяй.
Легкавы аўтамабіль, якім кіраваў 73-гадовы італьянец, ехаў па заснежанай крутой дарозе, калі па супрацьлеглым баку ішлі тры пешаходы. Легкавік пры павароце направа збіў людзей, у выніку чаго два чалавекі атрымалі траўмы, адзін загінуў.
Пацярпелыя пешаходы – беларускія кіроўцы цяжкавікоў, якія працавалі на літоўскую кампанію. Яны прыпаркавалі свае машыны ў суседнім мястэчку, а пешшу хадзілі ў краму.
МГ belsat.eu
