Падчас нарады з удзелам прэзідэнта РФ Уладзіміра Пуціна кіраўнік Расспажыўнагляду Ганна Папова агучыла план паэтапнага выхаду краіны з каранціну.
План выхаду краіны з каранціну распрацаваў урад Расеі. Чыноўнікі прапанавалі тры этапы, але не агучваюць дакладныя даты кожнага.
На першым этапе прадугледжваецца дазвол займацца спортам на свежым паветры і адкрыццё некаторых крамаў. На другім этапе дазволяць шпацыры з сям’ёй, працу крамаў і ўстановаў грамадскага харчавання, а таксама заняткі ў адукацыйных установах. На трэцім этапе распачнуць працу ўсе крамы і ўстановы грамадскага харчавання, а таксама паркі і зоны адпачынку.
Рашэнні аб зняцці абмежаванняў змогуць прымаць кіраўнікі рэгіёнаў.
Падчас нарады мэр Масквы Сяргей Сабянін распавёў, што з 12 траўня будуць знятыя абмежаванні на працу ўсіх прамысловых прадпрыемстваў і будоўляў у Маскве. А аднаўленне працы прадпрыемстваў сферы паслугаў Сабянін назваў заўчасным.
СК belsat.eu