Парад з нагоды Дня Перамогі ў Менску скончыўся, але гэта яшчэ не ўсе масавыя падзеі, запланаваныя ўладамі ў горадзе падчас пандэміі.
Гэтак, а 21:30 на плошчы Перамогі пройдзе святочны канцэрт «На славу агульнай Перамогі». На сцэне выступяць калектывы «Песняры», «Купалінка», «Спадчына», а таксама салісты Вялікага тэатру, артысты беларускай эстрады і маладыя таленты.
А 23: 15 у небе над Менскам прагучыць святочны феерверк, паведамляе тэлеграм-канал «Минск. Официально».
Салют прагучыць на васьмі пляцоўках.
Таксама святочныя падзеі праходзяць і ў іншых месцах беларускай сталіцы, напрыклад, у парках імя Міхаіла Паўлава і Уга Чавэса.
МГ belsat.eu