Тэлевізійная праграма «Што? Дзе? Калі?» з новага сезону будзе выходзіць у Арменіі выключна на армянскай мове. Такім чынам нацыянальнае тэлебачанне цалкам пазбаўляецца ад расейскай мовы.
«З новага сезону праект будзе выходзіць у эфір выключна на армянскай мове. Урад выдзеліць на праграму 17 мільёнаў драмаў (каля 35 тысячаў долараў). Я не раз крытыкаваў арганізатараў за тое, што яны праводзяць гульню на рускай мове», – напісаў на сваёй старонцы ў Facebook выконваючы абавязкі міністра адукацыі і навукі Араік Аруцюнян.
Паводле яго словаў, праект мае шмат прыхільнікаў, і гэта адно з нямногіх інтэлектуальных шоў, якое стала папулярным.
Такім чынам у Арменіі зачыняецца апошняя тэлевізійная праграма, якая раней выходзіла па-расейску.
СК, belsat.eu