Кіраўнік Беларусі 7 сакавіка сустрэўся са старшынёй канцэрну «Белнафтахім» Андрэем Рыбаковым і намеснікам прэм’ер-міністра Юрыем Назаравым. Пра гэта паведамілі ў адміністрацыі Аляксандра Лукашэнкі.
Тэмай гутаркі сталі пастаўкі ў Беларусь вуглевадароднай сыравіны, перш за ўсё нафты.
«Да мяне паступіў шэраг прапаноў па пастаўках нафты і перапрацоўцы ў Беларусі. Цяпер такіх прапановаў ужо, дзякуй Богу, нямала», – адзначыў Лукашэнка.
Ён паведаміў, што хоча ўзгадніць з кіраўніком «Белнафтахіму» і адказным за нафту віцэ-прэм’ерам «некаторыя пытанні» і параіцца, якім чынам варта «лепш паступіць, што больш эканамічна выгадна».
Паводле яго, трэба «ўжо з панядзелка-аўторка забіраць гэтую нафту», бо «абʼёмы вялікія – больш за 6 млн т».
Нагадем, што 6 сакавіка сусветныя цэны на нафту ўпалі прыкладна на 10 % пасля правалу прапановы буйных вытворцаў нафты скараціць здабычу.
МГ belsat.eu