9 студзеня ініцыятыва BY_Help, якая дапамагала грамадскім актывістам і журналістам выплачваць штрафы ў 2017 падчас «антыдармаедскіх» пратэстаў, пачынае новы збор сродкаў. На гэты раз дапамога патрэбна ўдзельнікам акцый супраць «паглыблення інтэграцыі» з Расеяй. Толькі 9 студзеня вынікам працы «судовага канвееру» сталі штрафы на больш чым 34 тысячы рублёў.
Адзін з ініцыятараў BY_Help і чалец савету прафсаюза работнікаў РЭП Андрэй Стрыжак абвясціў аб новым зборы сродкаў у эфіры Еўрарадыё:
«Амаль штодня выносіцца такая колькасць штрафаў, што яна складае 10-15 тысяч долараў. І гэтыя грошы падаюць на людзей, якія выходзілі за незалежнасць. У асноўным гэта ў Менску, тут былі самыя масавыя акцыі. І тых людзей, якіх міліцыя ідэнтыфікавала, яна цяпер іх масава штрафуе. Гэта будзе доўгі працэс », – адзначыў Стрыжак.
Рэквізіты, па якіх можна пералічыць грошы для BY_Help:
– paypal: alaksiej.lavoncyk@tol.org;
– наяўнымі ў Менску або ў Еўразвязе (для кантакту пішыце ў асабістыя арганiзатарам);
– на рахунак у Польшчы, Брытаніі і Чэхіі (для атрымання рахунку таксама пішыце ў асабістыя на Facebook).
Кантакт з арганізатарамі:
– праз асабістыя паведамленні групы BY_Help;
– праз е-майл: alaksiej.lavoncyk@tol.org;
– па тэлефоне +375 44 5100511
Кампанія BY_Help дапамагала сплочваць штрафы ўдзельным «антыдармаедскіх» пратэстаў у 2017 годзе.
КА belsat.eu
