Каталонскія ратавальнікі, пажарныя і паліцыянты шукалі беларуса, які знік на адным з пляжаў Коста-Бравы. Праз некалькі гадзінаў ён знайшоўся ў адным з бардэляў у муніцыпалітэце Ла-Жункера, падае «Cronica Global».
Здарэнне адбылося ў мінулую суботу. Беларус разам з сябрамі адправіўся на пляж купацца, але пасля знік, нікога не папярэдзіўшы.
Сябры апавясцілі мясцовую паліцыю, якая распачала пошукі.
Верталёт адмысловага фармавання каталонскай паліцыі «Mossos d’Esquadra», якая брала ўдзел у пошуках беларуса. Ілюстратыўны здымак з «Вікіпедыі»
Пазней аказалася, што мужчына ўзяў таксоўку і паехаў у бардэль.
Ён патэлефанаваў сябрам толькі пасля таго, як выйшаў адтуль.
Цяпер іспанскія медыі задаюцца пытаннем, хто панясе выдаткі на пошукавую аперацыю ў бухце, калі беларус бяспечна бавіўся ў бардэлі.
ДД belsat.eu
