Пацярпелых падчас выбуху ў Драгічыне мантажнікаў перавезлі ў сталічны шпіталь. Цяпер працаўнікі ў рэанімацыі, паведамляе тэлеканал «Беларусь 1».
«Маладыя людзі 90 і 84 гадоў нараджэння паступілі ў цяжкім стане з апёкамі твару, тулава, множнымі ранамі. Яны шпіталізаваныя ў рэанімацыйнае аддзяленне, дзе праводзіліся супрацьшокавыя мерапрыемствы, апрацаванне апёкавых паверхняў», – распавёў Міхаіл Роўкач, загадчык аддзялення Драгічынскай цэнтральнай раённай больніцы.
Надзвычайнае здарэнне ў Драгічыне адбылося 9 снежня. Падчас мантажу столі выбухнуў балон з газапаветранай сумессю.
Супрацоўнікі МНС эвакуявалі з дому 35 асобаў. Шпіталізавалі 4 чалавекі: двух мантажнікаў, а таксама жанчыну і падлетка 2005 года нараджэння.
У выніку інцыдэнту пашкоджаныя шэсць кватэраў: выбітыя чатыры вокны, дзве лоджыі, уваходныя і міжпакаёвыя дзверы, пашкоджаныя дзверы тамбура на першым паверсе.