У адпаведнасці з палажэннямі абноўленай рэдакцыі Падатковага кодэкса, беларусы атрымаюць магчымасць падаваць скаргі на рашэнні падаткавікоў, дзеянні або бяздзейнасці службовых асобаў не толькі ў пісьмовай, але і ў электроннай форме. Падобная інфармацыя змяшчаецца ў паведамленні, размешчаным на сайце МПЗ.
Фізічныя асобы змогуць падаць скаргу непасрэдна ў асабістым кабінет падаткаплацельшчыка. А вось юрыдычным асобам і індывідуальным прадпрымальнікам усё ж давядзецца выкарыстоўваць электронны лічбавы подпіс пры падачы электроннай скаргі.
Акрамя таго, цяпер скаргу можна будзе накіроўваць непасрэдна адразу ж у вышэйстаячыя органы. Так, у выпадку наяўнасці прэтэнзіяў да інспекцыі раённага ўзроўню, скаргу можна будзе накіраваць адразу ў абласную або менскую гарадскую інспекцыі. Больш за тое, скаргі можна будзе накіроўваць і непасрэдна ў Міністэрства па падатках і зборах.
СК, belsat.eu