Ініцыятыўная група патэнцыйнай кандыдаткі ў прэзідэнты Беларусі Святланы Ціханоўскай паспела здаць у выбарчыя камісіі неабходную для яе вылучэння колькасць подпісаў.
Агулам яе каманда здала ў тэрытарыяльныя камісіі каля 110 тыс. подпісаў, піша радыё «Свабода».
«На жаль, з розных прычын 36 тысяч подпісаў мы не паспелі здаць», – паведаміла Святлана Ціханоўская.
Яна таксама заклікала падтрымаць лістамі салідарнасці ейнага мужа – папулярнага блогера і кіраўніка ейнай ініцыятыўнай групы Сяргея Ціханоўскага, які быў затрыманы 29 траўня і зараз на два тыдні змешчаны ў карцар.
«Па сутнасці невінаватага чалавека, такога, як мы з вамі, трымаюць у нечалавечых умовах такі працяглы час. Думаю, Сяргей не мог зрабіць нічога такога, што пацягнула б такое суровае пакаранне», – заявіла патэнцыйнай кандыдатка.
22 чэрвеня адвакат паспрабуе высветліць прычыны такіх мер.
МГ belsat.eu