Тры чалавекі сталі ахвярамі стральбы на фэсце ў штаце Каліфорнія (ЗША). Апроч іх, загінуў меркаваны стралок, паведамляе Reuters са спасылкай на мясцовую паліцыю. Таксама яшчэ 15 чалавек былі параненыя.
Трагедыя здарылася 28 ліпеня ў мястэчку Гілрой каля Сан-Хасэ падчас штогадовага фестывалю часныку.
«Гэта проста неверагодна сумна і крыўдна, што падзея, якая прыносіць столькі карысці супольнасці, пацярпела ад такой трагедыі», – заявіў афіцэр паліцыі Скот Сміты.
Нападнік, каб патрапіць на фэст, прарэзаў агароджу. У паліцыі падазраюць, што ў яго мог быць саўдзельнік.
МГ belsat.eu
