Масавы пратэст у Францыі сабраў у суботу 8 снежня больш за 125 тыс. чалавек. Падчас сутыкненняў з паліцыяй і беспарадкаў былі затрыманыя больш за 4 тысячы чалавек
У сувязі з гэтымі падзеямі прэзідэнт краіны Эманюэль Макрон падчас свайго звароту да французаў адзначыў, што мітынгі ў пэўнай ступені «апраўданыя». Але ў сувязі з гвалтам і беспарадкамі кіраўнік дзяржавы заявіў пра ўвод эканамічнага і сацыяльнага надзвычайнага становішча, перадае выданне L’Obs.
Згодна з указам прэзідэнта, пачынаючы са студзеня наступнага году мінімальны ўзровень зарплаты ў краіне будзе павялічаны на € 100 у месяц. Акрамя таго з наступнага году адмяняецца павелічэнне падатку на сацыяльнае забеспячэнне для пенсіянераў, якія атрымліваюць менш 2 тысячы еўраў за месяц. Акрамя таго, Макрон настойвае на тым, каб прадпрыемствы выплачвалі прэміі сваім супрацоўнікам напрыканцы году.
СК, belsat.eu