Караліна змагалася з рэцыдывам раку. Шмат месяцаў яна не здавалася і змагалася да канца. Хвароба перамагла яе сёння раніцай.
Караліне было 42 гады. Яна нарадзілася ў Беларусі ў польскай сям’і з Ліды. У 1996 годзе пераехала ў Варшаву. Вывучала журналістыку ва Універсітэце кардынала Стэфана Вышыньскага. Працавала ў беларускай рэдакцыі Польскага радыё.
З лістапада 2012-га – у камандзе «Белсату»: спачатку ў рэдакцыі польскай версіі старонкі, пасля ў аддзеле прамоцыі і рэкламы.
Для чальцоў рэдакцыі Караліна назаўсёды застанецца прыкладам упартасці ў барацьбе з нягодамі.
«Белсат» выказвае спачуванні родным і блізкім нашай каляжанкі.
Калегі і сябры тэлеканалу «Белсат»