Лукашэнка заявіў, што за ягонымі апанентамі стаяць «лялькаводы» з Польшчы і Расеі

Аляксандр Лукашэнка заявіў, што ва ўнутраныя справы Беларусі і перадвыбарчую гонку ідзе «ўмяшанне звонку». Пра гэта піша president.gov.by.

Лукашэнка адзначыў, што цяпер у інтэрнэце актыўна распаўсюджваюцца «жудасныя фэйкі», з дапамогай якіх хочуць дыскрэдытаваць ўладу. У прыватнасці, кіраўнік дзяржавы пракаментаваў інфармацыю пра тое, што Віктар Лукашэнка нібыта мае рахункі ў Швейцарыі. Адпаведныя звесткі апублікаваў нядаўна тэлеграм-канал NEXTA.

«Сёння мне далажылі (хоць гэта было даўно, ніхто не дакладваў), што ў аднаго з маіх сыноў у Швейцарыі $ 840 млн. Накіруйце туды па дыпламатычных каналах ліст: хто хоча забраць гэтыя грошы, хай неадкладна забярэ», – заявіў ён.

Лукашэнка назваў гэтую інфармацыю фэйкам. «Людзі ж не разумеюць, што гэта такое. Такія фэйкі будуць пастаянна. І нам трэба гэта мець на ўвазе, з гэтым жыць і змагацца. Дарэчы, гэта падкідваецца структурамі «бабічэўскімі», незыгарамі» з Расеі, – дадаў ён. – Гэта не наша, гэта з Расеі ідзе інфармацыя. Потым яны перапросяць, здымуць. Але людзям тое ў мазгі ўжо ўкінулі гэта».

Таксама Лукашэнка ўзгадаў флэшмоб, у якім сілавікі ананімна выказваліся супраць кіраўніка дзяржавы.

«Па вайскоўцам нават. Кажуць, пасведчанне Службы бяспекі. Хтосьці сыходзіў і пасведчанне з сабой забраў, цяпер друкуе, што ён супраць улады. Гэта неверагодна, каб, звальняючыся са Службы бяспекі, чалавек хоць на гадзіну пакінуў у сябе пасведчанне. Ён спачатку здае зброю, пасведчанне, потым атрымлівае абыходны ліст і іншае, – адзначыў ён. – Людзі, асабліва моладзь, якія там сядзяць (у тэлеграм-каналах – заўв.), гэтага ж не разумеюць. І яны глядзяць: нават у Службе бяспекі супраць прэзідэнта. Вось такія фэйкі, і мы з гэтым павінны жыць. Але мы павінны трымаць галаву на плячах і людзям растлумачваць, што адбываецца».

Церцель: За Бабарыкам стаяць «лялькаводы ў «Газпраме», а, можа быць, і вышэй»

Лукашэнка заявіў, што апаненты ўлады паводзяць сябе несумленна.

«Яны што, нас штурхаюць на несумленнасць такую, як яны сябе паводзяць? Ясна, што там за імі лялькаводы стаяць. Яны і з аднаго, і з другога боку. І ў Польшчы жывуць, і з Расеі падкідваюць. Мы пра гэта з прэзідэнтам Пуціным пагаворым у бліжэйшы час пры сустрэчы, але гэтая сітуацыя вельмі складаная. Ужываюцца самыя сучасныя фальшывыя тэхналогіі, ідзе ўмяшанне з-за мяжы ў нашы выбары, унутраныя справы», – кажа ён.

Сілавікі перайшлі на бок народу

ІІ belsat.eu

Hавiны