Belsat.eu зрабіў падборку цікавых канцэртаў, вечарынаў і імпрэзаў, што адбудуцца ў Менску ў Дзень усіх закаханых 14 лютага.
Канцэрт Лявона Вольскага
У Lidbeer Bar 1876 на Коласа, 37 адбудзецца акустычны канцэрт Лявона Вольскага «Песні пра каханне». Пачатак у 19:00.
Поўны солдаўт на акустычны канцэрт “Песьні пра каханьне” 14 лютага ???З радасьцю чакаем на сустрэчу з вамі, дарагія сябры й сяброўкі! ?вул. Я. Коласа, 37 (Lidbeer bar 1876) ⏰ 19.00
Opublikowany przez Lavon Volski Czwartek, 13 lutego 2020
«Вершы на асфальце»
У 18:00 у рэстарацыі «Сёмае неба», што знаходзіцца ў гатэлі «Менск», адбудзецца адкрыццё ІХ Міжнароднага паэтычнага фестывалю імя Міхася Стральцова «Вершы на асфальце». Арганізатарамі выступаюць Саюз беларускіх пісьменнікаў і Беларускі ПЭН-Цэнтр.
Фестываль працягнецца да 16 лютага ўключна.
«My Jazzy Valentine»
14 лютага ў Менску адкрыецца Міжнародны фэст Minsk Winter Jazz 2020. Дзень першы будзе мець адпаведную назву – «My Jazzy Valentine»
Канцэрты адбудуцца ў ОК16. Запрошаная зорка – спявак з Вялікай Брытаніі Кліўленд Уоткіс. Публіку таксама чакае сустрэча з самым вядомым беларускімі джазавым калектывам «Apple Tea».
Танцавальны флэшмоб
Грамадская кампанія «Маршыруй дзетка» заклікае далучыцца да танцавальнай акцыі One Billion Rising. Флэшмоб адбудзецца ў гандлёвым цэнтры «Сталіца» (ніжні ярус) ў 19:00.
One Billion Rising – гэта міжнародная акцыя супраць хатняга гвалту, якая ўжо сёмы раз адбываецца ў свеце і пяты раз у Беларусі. Арганізатары тлумачаць, што акцыя праводзіцца менавіта ў Дзень святога Валянціна таму што, паводле статыстыкі, у святочныя дні павышаецца ўзровень хатняга гвалту.
ВЛАСТИ РАЗРЕШИЛИ ТАНЦЕВАЛЬНУЮ АКЦИЮ ПРОТИВ НАСИЛИЯ, УРА ?Танцуем за мир без насилия! Последнюю неделю мы рассказываем…
Opublikowany przez Маршируй, детка Wtorek, 11 lutego 2020
Акцыя дазволеная ўладамі. Усе жадаючыя маглі зарэгістравацца на падзею і прыняць удзел у рэпетыцыях. Калі жаданне танчыць няма – можна проста прыйсці паглядзець на танец ды падтрымаць удзельнікаў.
Арт-вечарына
У «Black Bear Brews», што на праспекце Дзяржынскага, 8, адбудзецца вечарына, на якой пішуць карціны.
«З дапамогай прафесійных мастакоў вы адпачнеце, а заадно напішаце карціну сваімі рукамі. Усё неабходнае падрыхтуем, карціны упакуем і аддамо. А яшчэ зробім яркі фотасправаздачу! Дзве гадзіны яркіх уражанняў і прыемных зносінаў, а ў выніку – карціна, якая ўпрыгожыць любы інтэр’ер! Навыкі малявання не важныя!» – абяцаюць арганізатары.
Вечарына пачнецца ў 19:00.
ІІ belsat.eu
