Прэм’ер-міністр Вялікай Брытаніі Барыс Джонсан абвясціў аб дасягненні новага пагаднення з Еўразвязам аб Brexit. У Бруселі пацвердзілі наяўнасць пагаднення.
Джонсан абвесціў пра новую здзелку ў «Twitter».
«У нас ёсць выдатнае новае пагадненне, якое вяртае нам кантроль», – напісаў палітык.
Кіраўнік Еўракамісіі Жан-Клёд Юнкер гэтую інфармацыю пацвердзіў.
«Гэта справядлівае і збалансаванае пагадненне для ЕЗ і Вялікай Брытаніі», – падкрэсліў ён.
Пагадненне трэба будзе зацвердзіць на саміце ЕЗ 17-18 кастрычніка, а затым яго павінен ухваліць брытанскі парламент на экстраным пасяджэнні ў суботу, 19 кастрычніка. Аднак Палата абшчын, у якой большасць складаюць апаненты Барыса Джонсана, можа не прыняць новы варыянт пагаднення аб выхадзе, адзначае Бі-Бі-Сі.
У адпаведнасці з папярэднімі дамоўленасцямі Вялікая Брытанія павінна пакінуць ЕЗ да 31 кастрычніка.
ІІ belsat.eu
