Раніцай 13 сакавіка арцыбіскупу Тадэвушу Кандрусевічу была зроблена аперацыя, якая прайшла без ускладненняў. Іерарх вярнуўся да свядомасці пасля наркозу, але пакуль адчувае моцны боль.
Пра гэта паведамляе ў сацсетках партал catholic.by.
Тадэвуш Кандрусевіч шчыра дзякуе ўсім за малітву і просіць вернікаў працягваць малітоўную падтрымку.
Кандрусевіча шпіталізавалі 10 сакавіка. Аперацыя на хрыбетніку была запланаваная раней.
Падчас адсутнасці Тадэвуша Кандрусевіча яго абавязкі выконвае генеральны вікарый – біскуп Юрый Касабуцкі.
СК, belsat.eu