Прынамсі 28 чалавек, большасць з якіх нямецкія турысты, загінулі і больш за 22 атрымалі раненні ў выніку аварыі аўтобуса на выспе Мадэйра ўвечары серады, падае «Reuters» са спасылкай на партугальскія ўлады.
Аўтобус перавярнуўся ў жылым раёне ў прыбярэжным горадзе Канісу. Пра гэта яго мэр, Філіпэ Соўза, паведаміў журналістам.
«У мяне няма слоў, каб апісаць тое, што адбылося. Я не магу глядзець на пакуты гэтых людзей», – сказаў Соўза.
Паводле мэра, турысты ў аўтобусе былі з Нямеччыны, але ахвярамі аварыі маглі стаць таксама пешаходы.
Мадэйра – папулярны сярод турыстаў напрамак. Найчасцей сюды прыязджаюць у летнія месцы, але мноства людзей прыязджае таксама напярэдадні Вялікадня.
Прэм’ер-міністр Партугаліі Антоніа Коста скіраваў спачуванні канцлеру Нямеччыны Ангеле Мэркель.
ДД belsat.eu