Прэзідэнт Украіны Уладзімір Зяленскі звольніў сакратара Рады нацыянальнай бяспекі і абароны (РНБА) Украіны Аляксея Данілава. Новым кіраўніком РНБА прызначаны Аляксандр Літвіненка, былы кіраўнік Службы замежнай выведкі.
Аляксей Данілаў займаў пасаду сакратара Рады нацыянальнай бяспекі і абароны з кастрычніка 2019 года, гэта значыць неўзабаве пасля таго, як Уладзімір Зяленскі стаў прэзідэнтам.
Новы кіраўнік РНБА 51-гадовы Аляксандра Літвіненка ў 2014-2019 гадах працаваў намеснікам сакратара РНБА. А ў ліпені 2021 года быў прызначаны кіраўніком Службы замежнай выведкі Украіны.
Савет нацыянальнай бяспекі і абароны Украіны – орган, які выконвае каардынуючую ролю па пытаннях нацыянальнай бяспекі і абароны пры Прэзідэнце. У яго ўваходзяць вышэйшыя кіраўнікі краіны.
Новым кіраўніком замежнай выведкі Зяленскі прызначыў Алега Івашчанку.
У лютым 2024 года Уладзімір Зяленскі зняў з пасады кіраўніка Узброеных Сіл Валерыя Залужнага. На яго месца прызначаны Аляксандр Сырскі. Да гэтага Зяленскі намякаў на перастаноўкі і адзначаў, што гэта закране не толькі Залужнага.
Арсен Рудэнка belsat.eu
