У сталіцы Украіны з нядзелі, 22 сакавіка, спыняюць усе пасажырскія перавозкі пра эпідэмію каронавіруса. Пра гэта паведаміў у Facebook міністр унутраных спраў Украіны Арсен Авакаў.
«Кіеў спыняе пасажырскія перавозкі, акрамя працаўнікоў экстраных службаў аптэк і харчовых крамаў. З нядзелі», – напісаў кіраўнік МУС у каментарах да сваёй публікацыі.
Раней ён жа выступіў за тэрміновае ўвядзенне ў краіне жорсткага «татальнага» каранціну, каб «выйграць час, каб зараз не падвяргаліся хваробе як мага больш украінцаў».
Паводле апошніх звестак, ва Украіне зафіксавалі 41 выпадак заражэння каронавіруса COVID-19. Ад ускладненняў, выкліканых інфекцыяй, памерлі тры чалавекі. Праз COVID-19 уведзены рэжым надзвычайнай сітуацыі ў Кіеве, Днепрапятроўскай, Цярнопальскай і Івана-Франкоўскай вобласцях.
Да 3 красавіка дзейнічае агульнанацыянальны каранцін.
МГ belsat.eu
