Беларусы супольна сабралі ўдаве народнага паэта Рыгора Барадуліна Валянціне грошай за электрычнасць нават на некалькі гадоў наперад. Пра гэта на сваёй старонцы ў «Фэйсбуку» паведаміў Глеб Лабадзенка.
Энергетыкаў моцна ўразіла салідарнасць неабыякавых беларусаў, якія падтрымалі жонку народнага паэта Рыгора Барадуліна.
«За святло для Валянціны Барадулінай паступіла 650 (!) плацяжоў», – піша Глеб Лабадзенка.
Запазычанасць за святло была закрытая яшчэ 18 ліпеня. Але плацяжы паступалі і пазней, нягледзячы на заклікі Глеба Лабадзенкі, што сродкі ўжо сабраныя.
СК belsat.eu