17 верасня Беларусь мае наведаць намеснік дзяржаўнага сакратара ЗША ў палітычных справах Дэйвід Гэйл. Пра гэта паведаміў БелТА прэс-сакратар МЗС Беларусі Анатоль Глаз.
У Беларусі ў амерыканскага чыноўніка запланаваная сустрэча з Аляксандрам Лукашэнкам і перамовы з міністрам замежных спраў Уладзімірам Макеем.
Бакі збіраюцца абмеркаваць пытанні беларуска-амерыканскіх стасункаў і рэгіянальнай бяспекі.
Нагадаем, што 29 жніўня Менск наведаў цяпер ужо былы памочнік прэзідэнта ЗША ў пытаннях нацыянальнай бяспекі Джон Болтан.
А 9 верасня ў Беларусі прайшоў лёгкаатлетычны матч паміж Еўропай і ЗША, на якім Аляксандр Лукашэнка заявіў пра гатовасць сустрэць у Менску Доналда Трампа.
МГ belsat.eu