Міністэрства аховы здароўя апублікавала новыя дадзеныя па сітуацыі з каронавіруснай інфекцыяй у Беларусі.
Па стане на 25 красавіка ў Беларусі зарэгістравана 9590 выпадкаў каронавіруснай інфекцыі. За содні колькасць інфікаваных вырасла на 817 чалавек.
«За ўвесь перыяд распаўсюджвання інфекцыі на тэрыторыі краіны памерлі 67 пацыентаў з шэрагам хранічных захворванняў з выяўленай каронавіруснай інфекцыяй», – паведамілі ў Мінздароўя.
Учора Міністэрства аховы здароўя афіцыйна пацвердзіла 63 смерці. Такім чынам, колькасць ахвяраў каронавіруса ў Беларусі павялічылася яшчэ на 4 чалавекі.
За ўвесь час эпідэміі ў Беларусі паправіліся 1573 пацыенты. Агулам у краіне праведзена 139 295 тэстаў на каронавірус, паведамляюць у міністэрстве.
КА belsat.eu