«Коммерсантъ»: у расейскім урадзе каронавірус пацверджаны ў некалькіх чалавек

Паводле выдання «Коммерсантъ», акрамя Міхаіла Мішусціна ў расейскім урадзе ёсць яшчэ некалькі інфікаваных. Яны знаходзяцца на самаізаляцыі і працуюць з дому.

Чыноўнікі маглі маглі стаць «ахвярамі» медыкаў, піша журналіст «Коммерсантъ» Дзмітрый Бутрын у артыкуле «Коронавирус добрался до самого верха».

«Усё кіраўніцтва рэгулярна здае аналізы на каронавірус, што непазбежна звязана з пастаяннымі дадатковымі кантактамі і перамяшчэннямі медыкаў», – дзеліцца сваім меркаваннем аўтар артыкула.

Аўтар артыкула адзначае, што «значная частка расейскага ўраду» з сакавіка працуе з дому.

30 красавіка прэм’ер-міністр Расеі Міхаіл Мішусцін паведаміў прэзідэнту Расеі, што заразіўся каронавірусам.

Прэм’ер-міністр Расеі заразіўся каронавірусам. Тэмпература 39

Крыніцы meduza.io у Адміністрацыі прэзідэнта і ўрадзе Расеі мяркуюць, што Міхаіл Мішусцін ужо не вернецца ў прэм’ерскае крэсла.

Крыніца выдання блізкая да ўраду звярнула ўвагу на тое, што Уладзімір Пуцін прызначыў выконваючым абавязкі кіраўніка ўраду асобным указам у назве якога няма слова «часовы». Выконваючым абавязкі прэм’ера Міхаіл Мішусцін прапанаваў прызначыць Андрэя Белавусава.

Скрыншот з kremlin.ru

Крыніца з Адміністрацыі прэзідэнта Расеі, мяркуе, што Мішусціна прызначылі, каб ён узяў пад кантроль грошы, якія ідуць на нацыянальныя праекты. Каронавірус і змены коштаў нафты істотна паўплываюць на бюджэты нацпраектаў і, паводле крыніцы meduza.io, «Мішусцін зусім не пра гэта».

ЮВ belsat.eu

Hавiны