Вядомы беларускі шоўмен працаваў грузчыкам, санітарам, рэцэптыяністам, асістэнтам пры абортах
Ці шкадуе Яўген Булка, што падтрымаў пратэст у 2020-м, пасля чаго давялося змяніць прафесію? На дэтэктары хлусні ў праграме «Шчыра кажучы» – Яўген Булка.
– Вы лічыце сябе паспяховым чалавекам?
– Так.
– Вам сапраўды падабалася працаваць аперацыйным санітарам?
– Так.
– Ці былі ў вас у сям’і рознагалоссі з-за змены прафесіі?
– Не
Паліграф: Праўда
– Вось пасля сыходу з тэлебачання беларускага і пасля таго, як вы зʼехалі з Беларусі, чым вы займаліся?
– Лепш спытаць, чым я не займаўся.
– Пачнем з таго, чым займаліся, а потым, ну, што вы яшчэ не зрабілі.
– Добра. Я фарбаваў уначы дарогі. Быў памочнікам кухара ў рэстаране, грузчыкам, санітарам у цэнтры пластычнай хірургіі. Цяпер на рэсэпшане ў гатэлі.
– А чаму вы сышлі з працы санітара?
– Умовы аплаты і графік мяне больш задаволілі. І ў Ізраілі шэсць працоўных дзён, з нядзелі па пятніцу. І праводзіць хаця б некалькі дзён нармальных з сямʼёй – для мяне гэта стала прыярытэтам. Хай я дзесьці страчу, можа быць, крыху ў грошах, але ў мяне будзе больш вольнага часу, і я прынамсі буду жывы. Ну, прынамсі я не буду думаць аб тым, як проста паесці і легчы спаць.
– Ці глядзіце вы цяпер беларускае ТБ?
– Не.
– Вы хацелі б зараз вярнуцца працаваць на беларускае тэлебачанне?
– Цяпер не.
– Вы шкадавалі, што падтрымалі пратэст?
– Не.
– Вы падтрымалі б пратэст, калі б ведалі, што страціце працу ў Беларусі?
– Так.
– Цяпер вы зарабляеце больш, чым у Беларусі?
– Так.
Паліграф: праўда.
– Гэта такі досвед, я так удзячны гэтаму досведу. Пачынаеш глядзець на некаторыя рэчы інакш. Напрыклад, можа быць, зараз скажу штуку, якая выкліча шок. Напрыклад, на аборт пачынаеш глядзець інакш.
– Як вы глядзелі раней? Як вы глядзіце цяпер?
– Мяне не папярэдзілі, што я ў тым ліку буду працаваць падчас абортаў. Сказалі, будуць стандартныя там пластычныя аперацыі, вушы, нос, грудзі, ліпасакцыя. І ў першы ж дзень мяне ставяць на аборты. Я думаю, ну ўсё. Цяпер тры секунды і я знепрытомнею. А потым так супала, што атрымаў інфармацыю, якая закрыла, цалкам закрыла мае нейкія пакуты з гэтай нагоды. Мусіць, гэта будзе сумна гучаць, але я так скажу. Што душа заўсёды ведае, што своечасова абраць. (…).
Калі душа выбрала не прыйсці і выбрала такі спосаб, што патэнцыйная мама вырашыла не дапускаць гэтае жыццё і гэтую душу ў свет, то гэта выбар усё ж той душы, якая не прыйшла, а не мамы. Таму вось гэтыя веды, гэтае разуменне, яно мяне вельмі супакоіла.
– Вы калі-небудзь падтрымлівалі Лукашэнку?
– Так.
– А ў 2020 годзе галасавалі?
– Так.
– За каго, калі не сакрэт? Не хацеў вас пакрыўдзіць.
– Як большасць. Я да гэтага, як большасць, і цяпер, як большасць.
– А ў 2010-м, 2015-м, калі не сакрэт?
– 2010-ы…
– Тады яшчэ была ў вас вера ў Лукашэнку нейкая?
– У мяне больш веры пасля 2015-а зʼявілася, калі вось намеціўся вось гэтая тэндэнцыя на пацяпленне, калі ІТ-сектар пачаў расці, вось гэта вось усё.
–Вам калі-небудзь прапаноўвалі супрацу сілавыя структуры Беларусі?
– Не.
– Вы калі-небудзь супрацоўнічалі з сілавымі структурамі Беларусі?
– Не.
Больш адказаў на пытанні шукайце ў праграме «Шчыра кажучы» на YT-канале «Belsat News» (відэа вышэй).
