Вярхоўная Рада Украіны прыняла закон «Аб ратыфікацыі пагаднення паміж Украінай і Рэспублікай Беларусь аб рэадмісіі».
Вярхоўная Рада Украіны ратыфікавала пагадненне паміж Украінай і Беларуссю аб рэадмісіі, заключанае 26 кастрычніка 2018 года ў Гомлі.
Яно ўступае ў моц праз 30 каляндарных дзён з дня атрымання дыпламатычнымі каналамі апошняга пісьмовага паведамлення аб завяршэнні ўнутрыдзяржаўных працэдураў, неабходных для яго ўступлення ў дзеянне.
У тлумачальнай запісцы паведамляецца, што прыняцце закону істотна спросціць кампетэнтным органам Украіны працу па супрацьдзеянні нелегальнай міграцыі, бо створыць дадатковыя прававыя працэдуры для вяртання грамадзянаў Беларусі ў краіну паходжання, а таксама грамадзянаў трэціх краін, якія незаконна прыбылі ва Украіну з тэрыторыі Беларусі, назад у гэтую краіну.
Гэта мусіць зменшыць колькасць правапарушэнняў, якія здзяйсняюць замежнікі ды асобы без грамадзянства.
МГ belsat.eu