У Кіеве адбыўся Марш роўнасці ў абарону правоў ЛГБТ-супольнасці. Нягледзячы на спробы правакацыяў, пацярпелых падчас акцыі не было.
У акцыі прынялі ўдзел некалькі тысяч чалавек. Паводле LB.ua, дэманстранты выйшлі на вуліцы з лозунгамі «Наша традыцыя – гэта свабода!», «Правы чалавека – вышэй за ўсё!», «Усе розныя – усе роўныя!», «Мой горад – горад свабодных!», «Маю права на каханне і на свабоднае існаванне!», «Традыцыя – не данасць, наш выбар салідарнасць!» і шэраг іншых.
Громадське паведамляе, што да Маршу роўнасці далучыліся да 30 вайскоўцаў.
«Яны прыйшлі падтрымаць роўнасць для ўсіх людзей», – адзначыў адзін з удзельнікаў Марша, добраахвотнік батальёна «Данбас» Віктар Піліпенка.
Акцыя скончылася на плошчы Льва Талстога.
Таксама на вуліцы выйшлі і некалькі дзясяткаў праціўнікаў Маршу з банерам «Садамія – дарога ў пекла». Напачатку акцыі яны ўварваліся ў калону дэманстрантаў. Адзін мужчына напаў на ўдзельнікаў, яго затрымала паліцыя.
Арганізатары Марша роўнасці ў Кіеве заяўляюць, што мерапрыемства завяршылася без сурʼёзных здарэнняў і яны задаволеныя супрацай з праваахоўнікамі.
ІІ belsat.eu
