Рэгіянальныя СМІ павінны стаць мультымедыйнымі, заявіў міністр інфармацыі Аляксандр Карлюкевіч перад пасяджэннем калегіі ведамства, піша БелТА.
«Мы ўжо не першы год шмат размоў вядзем і пэўныя практыкі закладваем, каб рэдакцыі раённых газетаў сталі мультымедыйнымі, і ў гэтым плане звяртаемся да выканаўчай улады па падтрымку.
Мне здаецца, што сёння ў творчым плане рэдактары раённых газетаў, іхныя працаўнікі могуць больш актыўна працаваць у сацыяльных сетках. Творчы патэнцыял для гэтага ёсць», – сказаў Карлюкевіч.
Паводле яго, галоўная задача, якая стаіць перад друкаванымі СМІ і журналістамі, – канкурэнтаздольнасць інфармацыі. На думку міністра, трэба ўсведамляць, наколькі гэтая інфармацыя можа канкураваць з кантэнтам сацсетак.
КА, belsat.eu