Беларусь заняла 12-е месца па экспарту феерверкаў у 2020 годзе. На долю нашай краіны прыпадае 0,2 працэнта сусветнага паставак гэтых піратэхнічных вырабаў, паведамляе рэсурс thinktanks са спасылкай на праект Worldstopexports.
Як сустракалі 2021 у адным з менскіх двароў. 31 снежня 2020 году.
Фота: ТК / Белсат
За мінулы год аб’ём беларускага экспарту феерверкаў склаў 1,7 мільёна долараў. Аднак Беларусь упала ў рэйтынгу і ўвайшла ў лідары па зніжэнні продажаў феерверкаў на экспарт: ён знізіўся на 58,8 працэнта.
У рэйтынгу Беларусь заняла пазіцыю паміж Італіяй (2,5 млн долараў) і Даніяй (1,3 млн долараў).
Больш за ўсіх у свеце феерверкаў экспартаваў Кітай – 84,0% усяго абʼёму рынку, далей у спісе ідуць Нідэрланды, Германія, Польшча і Чэхія. Самымі хуткарослымі вытворцамі феерверкаў сталі ЗША і Швейцарыя.
Hавiны
На Новы год у Менску не будзе феерверку. Матолька прапанаваў менчукам самім зладзіць салют
2021.12.16 19:04
АД, belsat.eu
