Гарві Ўайнстэйн прыбыў і пакінуў суд на хадунках і з ахоўнікамі.
Суд над Гарві Ўанстэйнам распачаўся 6 студзеня ў Нью-Ёрку.
Хаця прадзюсара публічна абвінавацілі больш за 80 жанчын, суд канцэнтруецца на скаргах дзвюх жанчын. Першая ахвяра абскарджвае Ўайнстэйна ў гвалце ў гатэлі на Мангэтане ў 2013 годзе. Другое абвінавачванне грунтуецца на прымусу да сексу асістэнткі прадзюсара Mimi Haley у 2006 годзе ў ягонай кватэры.
Праз некалькі гадзін пасля пачатку новыя абвінавачанні 67-гадоваму прадзюсару прад’явіла пракуратура Лос-Анджэлесу. Паводле звестак ведамства, у лютым 2013 года Ўайнстэйн згвалціў дзвюх жанчын у Бэвэрлі-Хілз.
«New York Times» падае, што адна з дзвюх меркаваных ахвяраў з Лос-Анджэлесу стане сведкай на судзе ў Нью-Ёрку.
Адвакаты Ўайнстэйна не каментуюць новыя абвінавачванні.
З восені 2017 года пра дамаганні і гвалт з боку Ўайнстэйна распавялі больш за 80 жанчын. У 2018 годзе прадзюсару прадʼявілі крымінальныя абвінавачванні паводле часткі здарэнняў. Пасля яго адпусцілі з-пад варты пад заклад.
У снежні 2019 года Ўайнстэйн дасягнуў папярэдняга міравога пагаднення з некалькімі дзясяткамі жанчын, якія яго абвінавачваюць: больш за 30 жанчын раздзеляць $ 25 млн, а прадзюсару не давядзецца прызнаваць віну.
Ўайнстэйну пагражае пажыццёвае зняволенне.
- Пасля таго, як некалькі акторак (у іх ліку, напрыклад, Гвінет Пэлтроу і Анджэліна Джолі) распавялі выданням «The New Yorker »і «The New York Times» пра дамаганні з боку Гарвi Ўайнстэйна, сваім досведам сексуальнага гвалту над сабой распавялі мільёны людзей пад усім свеце пад гэштагам #MeToo.
ДД belsat.eu
