Паводле эканамічнага прагнозу, гаспадарка еўразоны можа скараціцца на 7,7 %. «Еўропа перажывае эканамічны шок, якога не было з часоў Вялікай дэпрэсіі», – заявіў еўракамісар па эканоміцы Паола Джэнцілоні, піша DW.com.
Згодна з прагнозамі Еўракамісіі, валавы ўнутраны прадукт краінаў ЕЗ па выніках 2020 году зменшыцца на 7,4 %. Падзенне ў розных краінах ЕЗ будзе істотна адрознівацца. Гэтак у Польшчы чакаецца скарачэнне эканомікі на 4 адсоткі, а ў Грэцыі каля 10 %. Паводле эканамістаў, рост ВУП у 2021 годзе ў ЕЗ складзе каля 6 %.
Разам з скарачэннем эканомікі чакаецца рост беспрацоўя. Асабліва складана будзе маладым людзям, якім трэба будзе знайсці сваё першае працоўнае месца. Беспрацоўе ў 2020 годзе вырасце да 9 %.
Прагноз прадугледжвае, што краіны ЕЗ пачнуць выходзіць з каранціну ў траўні. Але ў выпадку, калі абмежаванні працягнуцца, то гэта можа прывесці да яшчэ большага спаду эканамічных паказнікаў, адзначыў еўракамісар па эканоміцы Паола Джэнцілоні.
СК belsat.eu