22 красавіка апазіцыйны палітык Мікола Статкевіч выйшаў з менскага ізалятару часовага ўтрымання, дзе адбываў 15-содневы арышт за заклік да малебну.
Пад сценамі ІЧУ палітыка сустрэла ягоная жонка Марына Адамовіч і некалькі сяброў ды паплечнікаў Статкевіча.
Мікалай Статкевіч заклікаў прыходзіць 7 красавіка да Свята-Духава кафедральнага сабора ў Менску, каб правесці малебен у памяць нявінна забітых у Курапатах. Статкевіч выступіў з такой ініцыятывай у сувязі з сітуацыяй у Курапатах, дзе ўлады 4 красавіка пачалі зносіць крыжы.
Фота – Таццяна Уласенка
ЮВ belsat.eu