Больш за 200 чалавек у беларускіх шпіталях падключаныя да апаратаў штучнай вентыляцыі лёгкіх праз пнеўманіі.
Пра гэта падчас нарады ў нядзелю заявіў Аляксандр Лукашэнка, паведамляе БелТА.
Паводле кіраўніка дзяржавы, на дадзены момант выкарыстоўваюцца 10% ад усіх апаратаў ШВЛ.
«Я гляджу кожныя содні інфармацыю. Сёння атрымаў. Таксама 9% (выяўленых выпадкаў COVID-19) у нас ад тэставаных) Па пнеўманіі, што я вельмі кантралюю, занятыя ўсяго 10% ад наяўнасці апаратаў. У нас сёння на ШВЛ крыху больш за 200 чалавек. А апаратаў ШВЛ – 2,5 тыс. плюс паўтысячы наркозна-дыхальных, калі гэта трэба будзе», – сказаў ён.
Лукашэнка таксама заявіў, што ад агульнай колькасці пнеўманіяў толькі ў 30% пацыентаў дыягнаставаны COVID-19.
«Гэта таксама вельмі добры паказнік. Таму я сёння прэтэнзіяў ні да Міністэрства аховы здароўя, ні да галоўных лекараў шпіталяў не прад’яўляю. Мы дакладна выпрацавалі сістэмы лячэння інфікаваных людзей», – адзначыў Лукашэнка.
КА belsat.eu
