Інфармацыя пра тое, што людзей змушаюць прыбіраць фермы, з’явілася ў Twitter’ы.
Канкрэтная мясцовасць і прадпрыемствы не згадваліся.
Аднак у каментарах да допісу адзін з чытачоў напісаў, што гэта Валожын.
Мы звярнуліся да @nnnnnnastia, каб распытаць пра падрабязнасці, але яна закрыла акаўнт.
Belsat.eu пастанавіў спраўдзіць, ці сапраўды работнікаў дзяржаўных прадпрыемстваў у Валожыне высылаюць чысціць фермы.
Мы пазванілі ў мясцовы райвыканкам. Сакратарка спачатку папрасіла пачакаць, пакуль скончыцца планёрка. А пасля заявіла, што яна не можа адказаць на гэтае пытанне, і скіравала да намесніцы старшыні Вольгі Багатыровай. Аднак тая не здымае слухаўкі.
Не адказваюць і нумары шасці галоўных прадпрыемстваў Валожына.
26 сакавіка падчас працоўнага візіту ў Магілёўскую вобласць Аляксандр Лукашэнка наведаў малочнатаварны комплекс у Шклоўскім раёне, дзе моцна абурыўся ўмовамі, у якіх утрымліваюцца каровы. У выніку адбыўся кадравы разнос.
ДР belsat.eu