Апошнія гады судзіна стаіць на якары, патрабуе дагляду і ніяк не выкарыстоўваецца. Пачатковы кошт цеплахода на аўкцыёне – 69 тысячаў беларускіх рублёў.
Цеплаход быў пабудаваны на Херсонскім суднабудаўнічым заводзе ў 1951 годзе і зараз знаходзіцца ва ўласнасці Нацыянальнага парку «Браслаўскія азёры».
Больш за 5 гадоў карабель выкарыстоўваўся для катання турыстаў па рацэ Сож у Гомлі, але механізм састарэў, цеплаход патрабуе рамонту і дагляду. Апошнія тры гады ён стаіць на якары.
Аўкцыён прызначаны на 1 жніўня, як паведамляе БелТА.
ВЧ, belsat.eu