На YouTube-канале «Белоруснефть-Минскоблнефтепродукт» з’явілася першае відэа – віншаванне жанчын з 8 сакавіка.
Паводле сюжэту, крэатыўны кіраўнік прадпрыемства загадаў падначаленым надзець касцюмы і сонечныя акуляры. А «для натхнення» ён замовіў чабурэкі. Праўда, падчас віншавання чабурэкі паядае толькі дырэктар, а астатнія энергічна танчаць.
На першых кадрах віншавання адбыўся невялічкі ляп. Відэаператар выпадкова зняў дакумент з дадзенымі аб заробку аднаго з аператараў АЗС.
Інфармацыя пра заробак можа мець статус камерцыйнай таямніцы. За гэта можна нават прыцягнуць да адміністрацыйнай адказнасці. Канешне, калі ў дзеяннях асобы, якая разгалошвае звесткі аб заробку, няма складу злачынства.
ЮВ belsat.eu