Міліцыянты ў Менску затрымалі 16-гадовага падлетка. Юнака абвінавачваюць у рабаванні, паведамляе прэсавая служба МУС.
16-гадовы жыхар сталіцы ў мэсэнджары размясціў аб’яву, у якой абяцаў перавесці наяўныя грошы ў крыптавалюту. На гэтую абвестку адгукнуўся мужчына, якому падлетак паабяцаў перавесці валюту на электронны кашалёк і прызначыў сустрэчу.
Але пасля таго, як хлопец атрымаў на рукі грошы ў памеры каля 6 тысячаў долараў ЗША, ён распыліў у вочы пацярпеламу газ з пярцовага балончыка і ўцёк з месца здарэння.
Міліцыянты затрымалі хлопца літаральна па гарачых слядах. Сілавікі паведамляюць, што грошы знайшлі і вернуць іх пацярпеламу.
Пазней міліцыянты высветлілі, што месяц таму падлетак учыніў аналагічнае злачынства. Ён узяў у грамадзяніна РФ 5 000 рублёў у эквіваленце для пераводу на электронны кашалёк і ўцёк з грашыма. Следчыя распачалі крымінальную справу за рабаванне.
Алена Аляксандрава belsat.eu