Беларускі спартовец Максім Труханавец заявіў, што ягоны апошні рэкорд у Кнізе рэкордаў Гінэса быў ануляваны з прычыны нацыянальнасці. Пра гэта атлет напісаў у сваім Instagram.
31 ліпеня спартовец Максім Труханавец паведаміў, што страціў сертыфікат на рэкорд у Кнізе Гінэса, бо ён беларус.
«Пабыў рэкардсменам тыдзень, нават сертыфікат атрымаў. Быў ануляваны мой апошні рэкорд. Чаму? Нацыянальнасць. Паважаю Кнігу Гінэса, але тут лічу гэта несправядлівым рашэннем», – заявіў атлет.
Максім Труханавец займаецца Street Workout. Мужчына амаль у 2 разы пабіў папярэдні рэкорд Гінэса: за гадзіну ён зрабіў 305 выхадаў сілай на гімнастычных кольцах. Ён мае вялікую аўдыторыю ў Instagram і YouTube. Асаблівую папулярнасць Максім атрымаў падчас пандэміі COVID-19, калі пачаў запісваць відэа з трэнаваннямі для сваіх гледачоў.
На відэа з Instagram Максіма бачна адно з яго трэнаванняў:
Антон Тачняк