31 сакавіка ў Вільні адбыўся Суседскі фэст пісанак, прысвечаны Велікадню і надыходу вясны. Яго арганізатарамі выступілі грамадзянская ініцыятыва ды беларуская прастора, якія паставілі сабе за мэту стварыць творчае асяроддзе, дзе дарослыя і дзеці, прадстаўнікі розных культур змаглі пазнаёміцца, падтрымаць адно аднога і проста добра правесці час.
Удзельнікаў фэсту чакалі літоўскія, украінскія, беларускія музыка ды спевы, танцы ды карагоды. Дзеці стварылі папяровых птушанят – сімвалаў абуджэння прыроды, а таксама шукалі велікодныя скарбы.
Таксама ўдзельнікі фэсту даведаліся пра старажытныя і хрысціянскія абрады ды сімвалы на розных мовах. І канешне ж, распісалі яйкі ў мінімалістычнай беларускай традыцыі, дадалі колераў у жыццесцвярджальнай украінскай ці таямнічай літоўскай традыцыі.
Ася Саковіч belsat.eu