На момант публікацыі ў спісе «экстрэмісцкіх матэрыялаў» 646 пунктаў, а «экстрэмісцкіх фармаванняў» 31. Як разабрацца, каго можна рэпосціць, а каго нельга можна, але асцярожна? «Белсат» сабраў табліцу.
Табліца з усімі-ўсімі беларускімі выданнямі атрымалася б гіганцкай. Таму мы выбралі самыя папулярныя. Але вызначыць, якія выданні папулярныя цяпер, калі значная іх частка заблакаваная ў Беларусі, складана.
Апошні рэйтынг папулярнасці беларускіх медыяў да масавых блакаванняў складалі ў снежні 2019 года: у сістэме маніторынгу «Brand Analytics» паглядзелі, якія беларускія выданні былі самымі цытаванымі ў сацыяльных сетках (на чые навіны найчасцей публікавалі спасылкі).
З таго часу шмат што змянілася: праз блакаванні сайтаў карыстальнікі сталі больш чытаць навіны ў сацыяльных сетках і мэсэнджарах. Самы папулярны мэсэнджар для навінаў (і самы часты ў спісе «экстрэмісцкіх матэрыялаў») – Telegram. Мы дадалі да топу сайтаў-2019 топ-20 найбольш папулярных (паводле сярэдняга ахопу аднаго паста) Telegram-каналаў у студзені 2022 года, узялі звесткі сэрвісу «TGStat».
У выніковым топе мы асобна пазначылі праўладныя выданні: некаторыя з іх наўпрост дзяржаўныя, некаторыя ж займаюць адкрыта пралукашэнкаўскую пазіцыю. Іх у Беларусі, вядома, не блакуюць і не прызнаюць экстрэмісцкімі.
Гэты топ, вядома, не ўключае ўсіх-усіх «экстрэмісцкіх» выданняў. Напрыклад, туды не трапілі калегі-«экстрэмісты» з «Еўрарадыё» ці баранавіцкага «Intex-press», каналы і суполкі «Мая краіна Беларусь» і шматлікія дваровыя чаты.
АА belsat.eu
