Сілавікі зладзілі «зачыстку» у Пружанах. Паводле непацверджанай інфармацыі, затрыманыя чатыры чалавекі, пакуль што вядомыя імёны дваіх, паведамляе праваабарончы цэнтр «Вясна».
Вядома, што затрыманы дырэктар швейнай фірмы Сяргей Вакульчык. На «пакаяльным відэа» ён кажа, што быў затрыманы за тое, што на сваёй старонцы ў Аднакласніках размясціў фатаграфію з нацысцкай сімволікай. Сяргею прызначылі 15 содняў арышту.
Таксама сярод затрыманых – былы следчы Пружанскага РАСК Максім Куроўскі. Па якой канкрэтнай прычыне затрымалі былога сілавіка, невядома. Па папярэдняй інфармацыі, за каментары ў інтэрнэце.
Імёны іншых затрыманых пакуль невядомыя.
Алена Рувіна belsat.eu