У Магілёўскай вобласці пачалі 6 крымінальных справаў пасля правярання лясной гаспадаркі

Камітэт дзяржкантролю Магілёўскай вобласці праверыў лясную гаспадарку і галіну дрэваапрацоўкі. Па выніках правярання адкрылі 6 крымінальных справаў, паведамілі ў КДК.

Здымак мае ілюстрацыйны характар.

Фота: 90zavod.ru

Дзяржкантроль выявіў злоўжыванні ў сферы лясной гаспадаркі і дрэваапрацоўкі ў наступных пунктах:

• утойванне нястачы лесапрадукцыі з дапамогай фіктыўных дакументаў на яе перапрацоўку або рэалізацыю, а таксама пакрыццё шкоды шляхам выдачы дадатковых прэміяў недатычным да гэтага работнікам;
• завышэнне аб’ёмаў выкананых работаў камерцыйнымі структурамі пры наданні паслуг лесанарыхтоўкі;
• утойванне лішкаў драўніны з дапамогай афармлення фіктыўнага акту;
• перавышэнне паўнамоцтваў пры выдзяленні камерцыйным структурам драўніны, прызначанай для абʼектаў сельскай гаспадаркі і сацыяльнай інфраструктуры, а таксама нямэтавае яе выкарыстанне.

Супраць каго менавіта распачалі крымінальныя справы і на якіх прадпрыемствах выявілі парушэнні – не паведамляецца.

Алена Рувіна belsat.eu