Надзвычайнае становішча ўводзіцца па ўсёй тэрыторыі Украіны, акрамя Данецкай і Луганскай вобласцяў (там плануецца ўвесці ваеннае становішча). Пра гэта паведамляе УНІАН.
Адпаведнае рашэнне ўхваліла Вярхоўная Рада Украіны. Надзвычайнае становішча ўводзіцца на 30 дзён.
На тэрыторыях, дзе ўводзіцца надзвычайнае становішча, дзейнічае:
- асаблівы рэжым уезду і выезду, а таксама абмежаванне свабоды перамяшчэння (пры неабходнасці);
- абмежаванне руху транспартных сродкаў і іх агляд (пры неабходнасці);
- узмацненне аховы грамадскага парадку і аб’ектаў, якія забяспечваюць жыццядзейнасць насельніцтва і народнай гаспадаркі;
- забараняецца правядзенне масавых мерапрыемстваў, забастовак;
- часовая або беззваротная эвакуацыя людзей з месцаў, небяспечных для пражывання, з абавязковым прадастаўленнем ім стацыянарных ці часовых жылых памяшканняў.
Акрамя таго, уводзіцца каменданцкая гадзіна і праверка дакументаў у грамадзян, а ў неабходных выпадках правядзенне асабістага надгляду, агляду рэчаў, транспартных сродкаў, багажу і грузаў.
Прадугледжваецца таксама забарона прызыўнікам, ваеннаабавязаным і рэзервістам змяняць месца жыхарства без згоды ўладаў.
Hавiны
«Newsweek»: Выведка ЗША чакае поўнамаштабнага ўварвання Расеі ва Украіну цягам 48 гадзінаў
2022.02.23 21:21
РР belsat.eu
