У пятніцу, 19 траўня, кіберпартызаны паспяхова праніклі ў сетку расейскай кампаніі «Вагон-Сервис», якая спецыялізуецца на абслугоўванні чыгуначных складаў у Расеі, выпампавалі звесткі і пачалі іх шыфраваць.
«У ноч з пятніцы на суботу ў кампаніі зразумелі, што іх узламалі, і паспрабавалі нам супрацьдзеяць, але беспаспяхова. Усё, што яны адкацілі, мы дарабілі ў наступную ноч на панядзелак. У выніку 22 траўня 2023 года атака завяршылася паспяхова», – паведамляюць кіберпартызаны.
Хакеры расказваюць, што ўзламалі карпаратыўную пошту і даведаліся з лістоў, калі будуць тэхнічныя работы, каб іх узлом не выглядаў падазрона.
У выніку кіберпартызаны выпампавалі ўвесь дакументаабарот, лісты, звесткі з сервераў, а пасля зашыфравалі арыгіналы і рэзервовыя копіі. Таксама былі зашыфраваныя працоўныя станцыі, яны атрымалі кіраванне доступам да сеткавых рэсурсаў.
Фота вокладкі: Белсат
Алена Рувіна belsat.eu
