У апошнія дні ў Жодзіне праходзяць затрыманні не толькі на БелАЗе, але і сярод чыноўнікаў. Пра гэта 21 снежня паведамляе тэлеграм-канал «МотолькоПомоги».
Паводле яго, ёсць звесткі пра затрыманне старшыні Жодзінскага гарвыканкаму Дзмітрыя Заблоцкага, а таксама дырэктара мясцовага ЖКГ Юрыя Рабецкага.
Заблоцкі ўзначальваў Жодзіна са студзеня 2019 года. Да таго ён быў дэпутатам Палаты прадстаўнікоў, старшынёй Жодзінскага гарадскога савету дэпутатаў і быў намеснікам генеральнага дырэктара БелАЗу. У жніўні 2020 года Заблоцкі сустракаўся з пратэстоўцамі ў Жодзіне, якія патрабавалі ад яго агучыць вынікі галасавання па асобных участках, спыніць гвалт і дазволіць масавыя дэманстрацыі.
Таксама стала вядома, што ўвечары 15 снежня быў затрыманы генеральны дырэктар БелАЗу Сяргей Нікіфаровіч. Суразмоўцы журналістаў сцвярджаюць, што з таго часу топ-менеджар заводу застаецца ў СІЗА КДБ. Адная з магчымых прычынаў – карупцыя.
Якуб Хруст belsat.eu
