У Юрмале праз санкцыі зачыніўся санаторый «Belorusija». Ён належыць Кіраўніцтву справамі прэзідэнта РБ
Юрмальскі санаторый «Belorusija» з 20 красавіка спыніў прыём і размяшчэнне адпачыннікаў, а кліентаў санаторыю папрасілі пакінуць нумары.
Санаторый спыніў працу праз санкцыі – ён належыць Кіраўніцтву справамі прэзідэнта Беларусі.
«У сувязі з санкцыйнымі абмежаваннямі, уведзенымі ў дачыненні ўстановы «Санаторый «Belorusija», паведамляем, што з 20 красавіка 2022 г. прыём і размяшчэнне адпачыннікаў спыняецца», – гаворыцца ў аб’яве.
Пасля закрыцця санаторыю без працы засталіся 180 асобаў.
Раней паведамлялася, што актывы санаторыю могуць быць замарожаныя пастановаю суда на патрабаванне Міністэрства юстыцыі Латвіі. З аналагічнымі праблемамі раней сутыкнуўся літоўскі санаторый «Belorus» у Друскінінкай праз санкцыі ЕЗ супраць кіраўніка санаторыю.
АД belsat.eu
