Хакеры атрымалі звесткі беларусаў, якія рабілі генетычныя тэсты ў амерыканскай кампаніі
Зламыснікі атрымалі доступ да базаў звестак кліентаў амерыканскай арганізацыі «23andMe Inc.», якая праводзіць генетычныя даследаванні. У тым ліку і грамадзянаў Беларусі, піша Цэнтр персанальных звестак.
Узламаная база звестак налічвае 1 103 647 кліентаў, у тым ліку 50 нашых суграмадзянаў. Зламыснікі атрымалі доступ да яе 1 кастрычніка.
13 кастрычніка «23andMe Inc.» паінфармавала праз электронную пошту ўсіх суб’ектаў, закранутых інцыдэнтам.
Кампанія заяўляе, што прадала больш за 12 мільёнаў набораў для правядзення аналізаў.
Цэнтр персанальных звестак нагадвае: пры наданні сваіх асабістых звестак у краіны з неналежным узроўнем іх абароны неабходна ацэньваць рызыкі і наступствы, якія могуць прынесці такія дзеянні.
Нагадаем, што ўлетку злачынцы выставілі на продаж персанальныя звесткі 730 000 карыстальнікаў інтэрнэт-крамы «Востраў чысціні і смаку».
Якуб Хруст belsat.eu
